Index/bar
26. bis 29. August 2009
|
Grias eich auf da offizieyn Seitn vo da Wikimania 2009, da 5. intanazionoin Konfarenz vo da Wikimedia-Foundation, de wo vom 26. bis 29. August 2009 in Buenos Aires (Argentinien) sei werd. 'S werd de erste sei, de wo in Spanisch und auf da Südhoibkugl stattfinna werd. Zwengs am Gedonkn vo da Mehrsprochlichkeit werd s'Programm zwoasprochig auf Spanisch und Englisch sei, des hoaßt fian Hauptteil werds an Simuitandoimetsch-Dienst gem. Da Vaonstoitungsoat werd as Centro Cultural General San Martín (Oigemeins Kuiturzentrum St. Martin, CCGSM) sei. Des is oans vo de wichtigstn in Argentinien und stähd im Turistenzentrum vo Buenos Aires. D'Wikimania is a jährliche Konferenz fia de Mitarbeita an olle Wikimedia-Projekte. Sie erlaubts da Wiki-Gemeinschaft und da Öffntlichkeit freis Wissn zum teiln und bei wöitweit zamarbana Projekte mitzumacha. De vorign Konferenzn worn in Frankfurt (Deitschland), Boston (USA), Taipeh (Taiwan) und Alexandria (Ägyptn). D'Wikimania 2009 werd vo wichtign Vertretan vo da Wikimedia und da Frein Kuitur bsuacht wern, wobei bsondara Weat aufn akademischn Aschpekt vo da Wikimedia glegt wern soi. So wia olle Wiki-Projekte (und de Site hier is aa a wiki), is' dauand am Entwickin. De Informationa de wo hier stehn wern ständig ausbaut und vabessat, je näher de Vaonstoitung kimmt. Zur Zeit arban Freiwuiige daran, de wichtigstn Informationa zum erstäin. Da voraussichtliche Zeitplan werd so boid wias gähd rausgem wern.
|
